A1news.co.id Takengon–Murumpe sara umah bagi ni kuah gerene rata
Enti mulo niro tamah dep si sawah gere lagu wan rencana
Iwanni munerah mejen gere teridah bilangen si ara
Gatinen salah bier betetah jumlah ni angka
I itiro minah kati mutetah reta si ara
Ikoten i luah gere male mungunah wan blang raya
Simurasa gunah renye munetah berbage cara
Gabuk murulah enti kire besikah mulaen para
Buet i lelah asa susah mupetimang cara
Ataspe renah i jangko turah sige gere ara
Tasakpe matah deleni uwah nge osop rasa
Macam i awah bier betamah rum waih ni pola
Gere bang salah munaos umah wan buntul rata
Nume kerna mesalah renye mupinah uke ni jendela
Gelah kire i osah semangat rum petuah wan berusaha
Enti renye i pesalah munaos ulah rum simen gegara
Umpama betunah gere ne basah bier uren ara
Temak besoah mugemboyah ku paluh mungona
Munehen gerah gerewe sawah waih mumata
Rupen amanah nge mupinah wan surah kata
Ike munurut sejarah gerene salah i masa pudaha
Dele nge kisah ku kite sawah terang munahma
Atur ni silsilah asa nge megah wanni donya
Gere daleh i pegah oya nge tersurah masa ku masa
Oleh:Hasrin Z Bersah.
Takengen, 20 Januari 2024
