Nyemes Bareng BBS Digelar Hari Ini Di Badminton Hall Kebon Gede

A1news.co.id|Palembang– Nak be cerito dikit kronologis nyo Berawal tanggal (25/05/2024) ngajak maen di Kebon Gede lanjut nongkrong di Bucin Cafe nyo cerito-cerito tunggu atmosfer badminton di Sumsel.

Ini Daripado cerito² trus katek ringgaknyo lajulah kami dan team mintak rapat tgl 29 Mei trus besoknyo laju kito umumkan nak gelar Nyemes Bareng Budak Badminton Sriwijaya tanggal (07-09/06/2024) yang mulai malam hari ini.

Dulur-dulur yang gilo badminton di Sumsel ini digelar nyo turnamen ini dgn sangat sederhana dan prihatin, makanya dak besak hadiahnyo berangkat dari keprihatinan kito akan minimnyo turnamen-turnamen yang digelar, padahal penggilo badminton ini pengen nak nyemes itulah.

Untuk itulah dulur-dulurku payo kito beringgut, besiget kito lanjakke keroyok’an ngadoke Nyemes Bareng BBS ini terus-terusan sampe tekepor Sebab BBS ini komunitas kito samo-samo payoo kito beringgut, besiget samo-samo.

Kito cubo begerak dr komunitas kito nian, bukan lembaga apapun jadi kalu pengen nak melok turnamen dak nak be tungguan lembaga mano yg nak ngadoke nyo kito ado ke dewek dgn caro kito dewek jugo.

Kalu nak melok’i kendak hati, kami nak ngadoke partai-partainya.

1. Pembinaan dari Usia Dini sampe Taruna (pa/pi)

2. Komunitas ini yang banyak kendak nyonGanda Executive, Ganda Veteran, Ganda Dewasa (pa/pi), Ganda Campuran Dewasa, Ganda Dewasa Non Atlet dan Ganda Emak-emak Non Atlet.

Segalo kategori ini, selamo dulur yang gilo badminton galak support nyo tanpa pamrih Insya Allah kito pacak ngadokenyo yakinlah.

Untuk yang nak digelar hari ini bae support nyo luar biaso dari dulur-dulur kito ini lah yang baik materi, tenago, waktu singgohnyo dak pacak ngomongke nyo lagi dan luar biaso support nyo, jadi tambah semangat gawekenyo.

Terakhir kami berharap dengan terus kita adoke turnamen-turnamen ini atlet-Atlet binaan lebih semangat lagi belatih, klub badminton jugo jadi rami dan semarak lagi berlatih, toko-toko sport omzetnyo lebih meningkat dan multiplier effect laennyo jugo terpengaruh positif tapi yg paling penting silaturahmi kito jadi lebih akrab lagi.

Cak itulah kiro-kiro dulur-dulurku cerito pagi ini semoga jadi tambah semangat nak latihan galo, badminton Sumsel jadi beringgut lagi, semarak dan prestasi atlet-atletnya meningkat.(Amiyadi)